![](https://blogger.googleusercontent.com/img/b/R29vZ2xl/AVvXsEjWlsKuaMMGGr4KECFyETpY3usXwIbdckc3jhAWnMDhjO-nTNtnEWb2WSAMsm4YgQqElRmMKYS9Wfe23By-j5AeOJkrHzhyEoAXueuk4RDiQJQowt80X0qIkXeyLPbV-l55Wfwr-S1-xOEU/s320/201705171012061b0fd9024a27d8dc.jpg)
O pasado mércores día 10, a ANPA do colexio das Esclavas levou a cabo a homenaxe a Andrés Barreiro, promotor e impulsor do deporte en xeral, e do baloncesto en particular, no centro educativo, e que faleceu hai tres anos.
Por primeira vez organizaron un partido de baloncesto feminino e tiveron a amabilidade de invitar ó equipo cadete do 2001 do noso Club para o evento.
![](https://blogger.googleusercontent.com/img/b/R29vZ2xl/AVvXsEhVUsht3gE1dCuBim2Qc0HKpw_h4YQhKnpC1vLjXkMHyucGO6OpL8M9WA5jXBoerVsVgtr1laA-CQxnq5zeRs_nAaG7rtLHkIrxgdprPG7zjMvkGsDBtCDPW8UhqbLnc3NGG2S8V18z78HU/s320/201705171011451b0fd9024a27d8dc.jpg)
Evidentemente o de menos era e foi o resultado, tratábase de pasar un rato xogando a algo que nos gusta pero coa suficiente seriedade como para intentar facer algunhas cousas que nos poidan servir na vindeira Copa Primavera e tamén unha toma de contacto entre as xogadoras e o novo adestrador que as vai dirixir nos proximos partidos. E así foi, pasámolo ben, fixemos un par de axustes no xogo e, aínda por riba, a ANPA agasallounos cun "piscolabis" o sábado na festa do Cole onde nos fixeron entrega dun bonito trofeo que pasa a adornar a estantería do Club.
Agradecer a invitación e as atencións que nos dispensaron e o noso saúdo para a familia e achegados do homenaxeado.
Reseña: Un que pasaba por alí.
Fotos: Ana Nieto
No hay comentarios:
Publicar un comentario