Minibasquet benxamín EPBAZÁN-ROSALES 28 ESCOLA DE BASQUET LARACHA 21

EMILIA PARDO BAZÁN-LOS ROSALES 28 - ESCOLA DE BASQUET LARACHA 21

A xornada comenzou como calquera outra, os xogadores e as xogadoras facendo os exercicios de quecemento previos ao partido, recibindo as últimas instruccións dos adestradores, todos pedindo que querían saír no cuarteto inicial..., nada raro.

Pero no momento no que a colexiada mandou o balón ao aire para empezar o partido os/as emilianos/as foron a pola pelota como se fora a primeira que viran na súa vida e como se fora a última que foran ver. Este impetu levounos a facer unha defensa impresionante sobre o rival que a duras penas conseguía chegar á zona de ataque. Os roubos de balón se sucedían e as combinacións en ataque a base de pases tamén pero..., unha vez máis os múltiples fallos de cara ao aro non permitían que o dominio no xogo se transformara en algo positivo de no marcador e, aínda que se ían conseguindo puntos, a porcentaxe era moi baixa. De todos os xeitos e grazas tamén a que loitaron coma nunca polo rebote e a que forzaron numerosas faltas persoais con tiros libres, os do Emilia mantiveron unha cómoda vantaxe durante todo o partido salvo no último período no que os de Laracha, que tamén pelexaron durante todo o encontro, conseguiron acercarse a catro puntos, pero os locais reaccionaron e conseguiron volver a distanciarse ata a diferencia final.

Todos os que sairon en cada sexto mantiveron a intensidade tanto en defensa como en ataque, que non baixou en todo o partido na pista nin no banquiño onde tamén se estaba a animar cando non tocaba xogar.

En resumo; bo partido de todas e todos bastante completo cun xogo máis colectivo, con boa defensa, tirando de fora, conseguíronse dous triples, entrando a canastra e forzando persoais de tiro libre donde houbo unha boa porcentaxe.

A victoria dedicáronlla a Lucas que tivo que ser operado esta semana.

1,2,3...EMILIA!!!!!

Fotos de Oscar Balado

                                                Vídeo de Isabel González