OBRADOIRO 47 - EMILIA PARDO BAZÁN-LOS ROSALES 55

CAMPEONAS!!!!

Non puido rematar millor a temporada oficial para as rapazas alevíns do Emilia, CAMPIONAS da Copa Primavera de Federación Coruñesa de Baloncesto 2013/2014.

O sábado ás 19:00h no pavillón AgraII celebrouse a final desta competición que comenzou cun primeiro tempo das "emilianas" arrollando ás rivais, sorprendendoas cunha gran defensa que lles permitíu recuperar moitas posesións e correr ó contra ataque tendo ademáis unha gran efectividade de cara á canastra. Cando non se podía acabar a transición, xogaban en "estático" movendo a bola e movéndose elas con moito criterio e buscando as millores opcións. Resultado 4-16 para as "visitantes".

No segundo tempo as chicas do Obradoiro reaccionaron e cunha defensa ó límite do permitido conseguiron parar a fluidez do xogo e mantiveron o resultado igualado neste sexto, manténdose o mesmo "guión" no terceiro sexto. Resultado ó descanso 18-30.

Comenzaba a segunda parte e volvíase repetir o do principio, e aínda que o Obradoiro o intentaba con moitas gañas o Emilia conseguía un gran parcial e aumentaba a diferencia 20-40, e no quinto sexto ó final era de 27-49.

Todo parecía moi ben encamiñado pero o Obradoiro incrementou a súa intensidade defensiva e, con algunha permisividade arbitral, e aproveitando o cansanzo das do Emilia, conqueriron recuperar varias posesións e gañar o derradeiro tempo cun parcial de 20-6 que deixaron o resultado final nese 47-55 que lle da a victoria ó Emilia Pardo Bazán-Los Rosales.

Todas as xogadoras estiveron a un gran nivel colectivo e individual e o "corpo" técnico tamén cumpríu equilibrando moi ben os distintos quintetos e cortando con oportunos tempos mortos os intentos de reacción do Obradoiro que tamén fixo un gran partido.

Unha boa despedida de categoría para as que pasan a infantil para a próxima temporada e un gran espaldarazo para as que seguen na mesma. Noraboa e a seguir traballando o que queda de temporada.

 Crónica e fotos de O siaeiro.ros