CLUB DEPORTIVO LOS ROSALES 39 - MARISTAS CHAMPAGNAT 87
Encontro de volta dos 1/8 de final da Copa Primavera.
Pese
a non ter ningunha posibilidade de pase á seguinte quenda dado o
resultado da ida, queríamos que o derradeiro partido oficial da
temporada, e máis xogando na casa, fose unha despedida que nos deixase
boas sensacións a nivel individual e de grupo, e un bo sabor de boca ó
público que durante toda a temporada estivo apoiando e animando.
E
penso que se conseguíu. A pesares de ser só sete, as xogadoras fixeron
un esforzo grande por manter a intensidade e a concentración durante
todos os cuartos e, aínda que nalgúns momentos a falta de fondo físico
pasou factura, lograron pelexar e xogar a baloncesto diante dun equipo, o
Maristas, super completo en todas as facetas do xogo e cunha plantilla
máis numerosa que foi ben dosificada pola súa adestradora facendo
continuos trocos de xogadoras chegando a facer cambios completos, de
5x5, en varias fases do encontro.
Resaltar
que todas as "rosalianas" conseguiron puntos e, con permiso do resto,
destacar un pouco máis a Clara que hoxe tiña o día, metendo
prácticamente todo o que intentou (15ptos.).
Tamén
contamos coa compaña do adestrador Julio durante a primeira parte e a
presencia física e anímica de Lidia, que segue a recuperarse da súa
lesión.
Grazas de novo a esa afición polo seu compromiso e a súa presenza durante toda a temporada.
As xogadoras desta temporada foron: Alba, Clara, Erea, Lara, Lucía, Lidia, Marta e Sabela.
Non
podemos esquecer a todas as xogadoras de categoría infantil que en
distintos partidos viñeron botar unha man e fixéronno francamente ben
dentro das súas posibilidades.
Reseña: Un que estaba alí.
Fotos Ana Nieto y Julio G.
No hay comentarios:
Publicar un comentario