O pasado 30 de maio celebrouse no
Pavillón Municipal de Labañou (Cocheras) a sexta edición do "3X3 de
basquet de Los Rosales", evento que xa se está a converter nun "clásico"
e que o punto de partida para as festas do barrio.
Este ano
tivo dous cambios importantes con respecto a anteriores edicións, unha
delas, a máis chamativa, o cambio de ubicación do Pavillón Los Rosales
onde se celebra tradicionalmente polo de Cocheras, isto foi motivado
pola celebración no primeiro do xa tamén tradicional campionato de
halterofilia. A segunda variable foi que os organizadores prescindiron
da categoría "senior" por motivos "loxisticos" ó contar cunha previsión
de equipos cadetes e xunior que finalmente non se cumpríu debido a
diferentes causas. É probable, segundo nos contan, que para a próxima
edición se volva a contar con esta categoría xa que no Club organizador
tiveron varias chamadas para inscribirse.
A xornada en sí
desenvolveuse en dúas partes diferenciadas, pola mañá foi o turno dos
máis cativos; os benxamíns, alevíns e infantís tiveron o seu tempo para
poder disfrutar co seu deporte favorito nunha modalidade que resulta
realmente espectacular e entretida polo dinamismo do xogo, ó ser
partidos curtos de 10min. nunha soa canastra. Tanto os rapaces como o
público asistente pasáronno en grande. Cara as 13:30 rematou todo coa
entrega duns agasallos os que quedaron primeiros polo que marcharon
aínda máis contentos.
Pola tarde tocoulles o turno as
categorías cadete e xunior, e se na primeira houbo participación, na
segunda só se presentaron dous equipos. Unha mágoa porque o nivel dos
participantes foi realmente bo, e en partidos de 15min. demostraron a
súa preparación técnica e a súa resistencia física, xa que a calor era
abafante.
A iso dás 20:00h a presidenta do Club entregaba ós
primeiros clasificados os pertinentes agasallos dando por terminada unha
xornada que resultou moi agradable.
Dende a organización
queremos agradecer ó Concello da Coruña a colaboración cedendo a
instalación, á Asociación de Veciños de Los Rosales a súa axuda e a
AQUAREL a aportación do líquido elemento para evitar as desidratacións.
Tamén a colaboración desinteresada de todos os adestradores do Club e
por suposto darlle as grazas a todos os participantes e os espectadores
que decidiron pasar a xornada con nós porque sin eles non sería posible
facelo.
CADRO DE HONRA:
Xunior feminino: Los
Pitufos, Xunior másculino: Abelleira, Cadete: Élites e Make it Splash,
Infantil feminino: Los Chunguitos, Infantil másculino: BKFusion, Alevín:
Coruña Warriors, Benxamín: Las Leyendas de Calasancias
Preme no enlace e verás as fotos por categorías.
Grazas a tod@s pola vosa participación.
No hay comentarios:
Publicar un comentario